Nagari Radio

Tinubu zai gana da Trump kan zargin kisan Kiristoci _Daniel Bwala

A cikin wata sanarwa da ya wallafa a shafinsa na X, mai ba shugaban ƙasa shawara kan harkokin sadarwa, Daniel Bwala, ya bayyana cewa Shugaban Ƙasa Bola Ahmed Tinubu zai gana da tsohon shugaban Amurka, Donald Trump, a cikin kwanaki masu zuwa.

Bwala ya ce ganawar za ta mayar da hankali ne kan zargin da Trump ya yi, inda ya bayyana cewa an kashe Kiristoci sama da 3,100 a Najeriya, zargi da ya jawo cece-kuce a sassa daban-daban na duniya.

Rahotanni sun nuna cewa gwamnati na ɗaukar wannan batu da muhimmanci, domin fayyace matsayinta kan batun ’yancin addini da kuma yadda ake tunkarar matsalolin tsaro da ake fuskanta a wasu sassan ƙasar.

An dai sa ran wannan ganawa za ta zama dama ga shugabannin biyu su tattauna kan ƙarfafa dangantakar diflomasiyya da hadin kai tsakanin Najeriya da Amurka, tare da ƙara fahimtar juna kan batutuwan tsaro da addini.