Nagari Radio

EFCC Ta Gayyaci Tsohon Ministan Shari’a, Abubakar Malami, SAN

Tsohon Ministan Shari’a kuma Babban Lauyan Gwamnati na Tarayya, Abubakar Malami, SAN, ya tabbatar da cewa hukumar EFCC ta turo masa da takardar gayyata domin ya bayyana a gaban ta.

A cikin wata sanarwa da ya fitar, Malami ya bayyana cewa, a matsayinsa na ɗan ƙasa mai bin doka da oda, yana da kwarin gwiwar amsa wannan kira ba tare da wani jinkiri ba.

Ya bayyana cewa ya san muhimmancin gaskiya da bayyana aikace-aikacen gwamnati a fili—ka’idojin da ya dade yana karewa da kuma wa’azantarwa yayin aikinsa na gwamnati.

Malami ya kuma ce, kasancewarsa mai jajircewa kan gaskiya da rikon amana a hidimar jama’a, zai ci gaba da sanar da al’umma duk wani ci gaba da za a samu game da wannan lamari a yayin da abubuwa ke faruwa.