An ceto ƙarin ɗalibai 11 na makarantar Papri da ’yan bindiga suka sace a Jihar Neja

An ceto ƙarin ɗalibai 11 na makarantar Papri da ’yan bindiga suka sace a Jihar Neja

Jami’an tsaro sun samu nasarar ceto wasu ƙarin ɗalibai 11 daga cikin waɗanda ’yan bindiga suka sace a makarantar Papri da ke Jihar Neja. Wannan na zuwa ne yayin da jami’an tsaro, tare da haɗin gwiwar mazauna yankin, suke ci gaba da kai rahotanni da kuma gudanar da bincike domin gano sauran ɗaliban da ke hannun ’yan bindigar.

Rahotanni sun nuna cewa an samu nasarar ceto ɗaliban ne bayan shirin farautar ’yan bindigar da jami’an tsaro suka kaddamar tun bayan afkuwar lamarin. Wasu majiyoyi sun bayyana cewa an tsinci waɗannan ɗalibai ne a wani daji da ke kusa da yankin, cikin yanayi na gajiya da firgici, amma cikin koshin lafiya.

Gwamnatin Jihar Neja ta bayyana farin ciki kan wannan ci gaba, tare da tabbatar da cewa za ta ci gaba da aiki kafada da kafada da hukumomin tsaro domin ganin an kubutar da sauran yaran da basu dawo ba har yanzu. Haka kuma ta yi kira ga jama’a da su rika kai bayanai cikin gaggawa idan sun ga wani abu da ake zargin yana da alaka da lamarin.

A halin yanzu, an wuce da ɗaliban da aka ceto zuwa cibiyar lafiya domin duba lafiyarsu, sannan za a haɗa su da iyalansu bayan kammala gwaje-gwaje.