Shugaba Tinubu Ya Miƙa Sunayen Ƙarin Jakadu 32 Ga Majalisar Dattawa Don Tantancewa

Shugaba Tinubu Ya Miƙa Sunayen Ƙarin Jakadu 32 Ga Majalisar Dattawa Don Tantancewa

Shugaban ƙasa Bola Ahmed Tinubu ya aika da sunayen karin mutane 32 da ya zaɓa domin zama jakadu zuwa majalisar dattawa, mako guda bayan ya tura sunayen mutum uku na farko.

A wasu wasiku guda biyu da aka karanta a zaman majalisar, Shugaba Tinubu ya roƙi shugaban majalisar dattawa, Godswill Akpabio, da majalisa ta gaggauta tantance tare da tabbatar da mutane 15 a matsayin jakadu ma'aikata (career ambassadors), sannan 17 a matsayin jakadu marasa aiki na diflomasiyya kai tsaye (non-career).

A cikin jerin sunayen jakadun (career), akwai mata huɗu, yayin da mata shida ke cikin rukunin (non-career).

Daga cikin waɗanda aka zaɓa a matsayin jakadu (non-career) akwai tsohon mai bai wa shugaban ƙasa shawara, Barrister Ogbonnaya Kalu daga Abia; Reno Omokri daga Delta; tsohon shugaban INEC, Farfesa Mahmud Yakubu; tsohuwar uwargidar jihar Ekiti, Erelu Angela Adebayo; da tsohon gwamnan Enugu, Ifeanyi Ugwuanyi.

Sauran sunayen sun haɗa da tsohon kakakin majalisar Katsina, Tasiu Musa Maigari; Yakubu N. Gambo daga Filato; da tsohon mataimakin babban sakataren UBEC.

Haka kuma akwai Farfesa Nora Ladi Daduut daga Filato; tsohon mataimakin gwamnan Legas, Otunba Femi Pedro; tsohon ministan sufurin jiragen sama, Femi Fani-Kayode; da Barrister Nkechi Linda Ufochukwu daga Anambra.

A cikin sunayen akwai tsohuwar uwargidar Oyo, Fatima Florence Ajimobi; tsohuwar kwamishinar Legas, Lola Akande; tsohuwar Sanata daga Adamawa, Grace Bent; tsohon gwamnan Abia, Victor Okezie Ikpeazu; Sanata Jimoh Ibrahim daga Ondo; da tsohon jakadan Najeriya a Vatican, Paul Oga Adikwu daga Benue.

A jerin (career ambassadors) kuma akwai Enebechi Monica Okwuchukwu (Abia); Yakubu Nyaku Danladi (Taraba); Maimuna Ibrahim Besto (Adamawa); Musa Musa Abubakar (Kebbi); Syndoph Paebi Endoni (Bayelsa); Chima Geoffrey Lioma David (Ebonyi); da Mopelola Adeola-Ibrahim (Ogun).

Sauran sunayen sun haɗa da Abimbola Samuel Reuben (Ondo); Yvonne Ehinosen Odumah (Edo); Hamza Mohammed Salau (Niger); Shehu Barde (Katsina); Ahmed Mohammed Monguno (Borno); Muhammad Saidu Dahiru (Kaduna); Olatunji Ahmed Sulu Gambari (Kwara) da Wahab Adekola Akande (Osun).

Ana sa ran sabbin jakadun za a tura su zuwa ƙasashen da Najeriya ke da muhimman hulɗa da su, ciki har da China, India, South Korea, Canada, Mexico, UAE, Qatar, South Africa, Kenya, da kuma ofisoshin wakilai na dindindin kamar na Majalisar Dinkin Duniya, UNESCO da Tarayyar Afirka. Wuraren aikinsu za a bayyana bayan kammala tantancewa.

A makon da ya gabata ne Shugaba Tinubu ya tura sunayen mutum uku na farko: Ambassador Ayodele Oke (Oyo), Ambassador Amin Mohammed Dalhatu (Jigawa), da Retired Colonel Lateef Kayode Are (Ogun), waɗanda ake sa ran za a iya tura su zuwa Birtaniya, Amurka ko Faransa bayan tantancewa.