Shugaban Ƙasa Bola Ahmed Tinubu ya bayar da umarnin kafa tsaro na awa 24 a manyan dazukan jihohin Kwara, Kebbi da Neja, domin magance ƙaruwa ta sace-sace da ayyukan ta’addanci da ke addabar yankunan.

Shugaban Ƙasa Bola Ahmed Tinubu ya bayar da umarnin kafa tsaro na awa 24 a manyan dazukan jihohin Kwara, Kebbi da Neja, domin magance ƙaruwa ta sace-sace da ayyukan ta’addanci da ke addabar yankunan.

Umarnin, wanda ke nufin tsaurara matakan tsaro da haɗa karfi da jami’an da ke bakin aiki a ƙasa, ya zo ne bayan bayanan leken asiri da suka nuna cewa ’yan ta’adda da masu garkuwa da mutane na amfani da dazukan jihohin uku a matsayin mafaka da wajen shirya hare-hare.

A cewar majiya daga fadar gwamnatin tarayya, an umurci dukkan hukumomin tsaro su yi aiki kafa-da-kafa wajen sintiri, bincike da kai farmaki a wuraren da ake zargin ɓoye ’yan bindiga, tare da tabbatar da cewa ana gudanar da aikin tsaron ba dakatarwa na sa’o’i 24 a kullum.

Al’umma a jihohin da abin ya shafa na bayyana fatan cewa wannan sabon mataki zai rage barazanar tsaro da kuma dawo da zaman lafiya, musamman bayan yawan hare-haren da aka sha gani a watannin baya.